Споделуваме пријатни моменти од свеченото доделување на наградите и пофалниците на учениците кои учествуваа на квизот „Кој го познава Данте„ организиран од страна на Здружението на професори по Италијански јазик и амбасадата на Република Италија во Македонија и упатуваме честитки до учениците и наставникот-ментор Билјана Николовска.
Нашите ученици од VI-то одделение заедно со наставникот по Информатика ја одбележаа Неделата на информатиката. Најпрво беше реализирано предавање на тема „Безбедно на интернет„ , а потоа учениците самостојно креираа приказни во Scratch на истата тема. Со примена на критички пристап во активностите беа мисловно ангажирани и насочени кон повисоки нивоа на планирање, постапување и решавање.
Почитувани ученици, учебната година ќе започне на 1-ви февруари со промена на смените: одделенска настава од 7.30 ч., а предметна настава од 13.30 ч.
Во рамките на Проектот за унапредување на основното образование ПЕИП-Проект, Министерството за образование и наука обезбеди опрема и наставни средства за реализација на групата предмети од областа на природните науки.Ваквото облагородување на кабинетскиот простор за изведување на овој тип на настава овозможува идеални услови за современа теоретска и практична настава и поголеми успеси на нашите ученици
Учениците од ученичкиот парламент денес имаа прилика да учествуваат на интерактивна работилница со проследување на презентација за зачувување на менталното здравје како дел од индивидуалното и општественото здравје.
„Употребата на пиротехничките средства„ како актуелна тема за тековниот период деновиве беше детално разработена со ученици од 6-то и 7-мо одделение со посредство на стручно лице од МВР ПСОН Кавадарци – помошник командир за јавен ред и мир и превенција Деан Камчев. Учениците се запознаа со опасноста по здравјето, како и со законските регулативи на кои подлежат граѓаните кои нелегално дистрибуираат и користат пиротехнички средства
Ученичкиот парламент одржа работилница под раководство на училишниот психолог под наслов „Здраво Живеење„ ,каде интерактивно работеа на компонентите на здрав живот и се осврнаа на сите промени што ги доживува една личност во овие две години, во услови на пандемија и како се одразува врз менталното здравје
е.
Дел од реализацијата на Програмата за работа на ученичкиот правобранител и неговите заменици и успешно реализираните работилници : „Запознавање со Конвенцијата за правата на детето„ и „Имам право да ги знам моите права„
Денес ООУ Гоце Делчев беше посетено од претставници од Италијанска амбасада. Директорката на училиштето Весна Ангеловска оствари работна средба со претставници од амбасадата проф. Др. Марко Пешетели и проф. Др. Радица Никодиновска на теми кои беа насочени кон реализацијата на предметот италијански јазик во нашето училиште. Во таа насока беа разгледани можностите за идна соработка на училиштето и амбасадата, кои ќе придонесат за зголемување на интересот и мотивацијата кај учениците за изучување на италијанскиот јазик.
