Uncategorized | ООУ Гоце Делчев - Кавадарци

Честа и задоволството се наши за да ја споделиме информацијата дека ООУ „Гоце Делчев“ – Кавадарци во конкуренција од повеќе основни училишта во Македонија (а единствено во тиквешкиот регион) е избрано во 18-те добитници на средства од Јавниот повик за доделување на средства на основните училишта за реализација на активности од програмите за насилство, злоупотреба и запуштање на ученици со и без попреченост, објавен од Министерството за образование и наука, а аплициран од страна на училишниот психолог Рената Анѓелкова.

Преку добиениот грант ќе се реализираат активности насочени кон зајакнување на превентивните механизми, унапредување на меѓусебното почитување и создавање поддржувачка училишна клима.

Ова е уште еден важен чекор кон градење позитивна, безбедна и инклузивна училишна средина во која секое дете се чувствува прифатено, заштитено и охрабрено да го развие својот потенцијал.

Учениците од 4-то и 5-то одделение при ООУ „Гоце Делчев“ уживаат во зимските убавини на Михајлово ❄️🌲 Организирано од училиштето, околу 150 ученици поминуваат прекрасен зимски ден исполнет со смеа, дружење и незаборавни моменти во природа. ☃️😊
28
Jan

Наставник Дијана Пачешкоска Ѓорѓиева и нејзините филмаџии.
17
Jan

На 28 декември 1895 година во Салон Индиен де Гранд Кафе во Париз, браќата Огист и Луј Лимиер ја приредиле првата комерцијална кинопродукција на 10 кратки филмови и затоа овој датум се смета за роденден на филмот.

Изучувајќи ги изразните средства на филмот, учениците од деветтите одделенија продуцираа кратки филмски записи кои својата проекција ја имаа во училницата по Македонски јазик.

Точно на 130. роденден на филмот, во етер ги проследуваме аматерските филмови на учениците кои нè враќаат во времето на немиот филм.

7015
17
Jan

На Новогодишниот натпревар по математика во организација на Сојузот на математичари кој се одржа на 27.12.2025

Учениците од 5а одделение под менторство на наставничката Радица Андреева ги постигнаа следните резултати

Бојан Николов 95 поени прва награда,

Златан Стојчев 85 поени прва награда,

Кристина Трајков 85 поени прва награда,

Ирина Крстевска 85 поени прва награда

Максим Спасов 70 поени втора награда,

Ања Атанасовска 40 поени пофалница,

Мила Јанева 15 поени учество

Честитки за учениците и наставничката ..

Среќен почеток на второ полугодие. 20.01.2026
17
Jan

Почитувани ученици ,

Во вторник на 20-ти јануари за прв пат во второто полугодие ќе ги отвориме вратите за вас и ќе ви посакаме успешно продолжение на учебната година проследено со одлично здравје, другарувања, многу знаења и постигнувања…

Наставата претпладне ќе се реализира со учениците од предметна настава од 7.30 часот, а од 13.30 часот во трката за нови знаења ќе се вклучат учениците од одделенска настава.

Вработените во ООУ„Гоце Делчев“ ви посакуваат пријатен и безгрижен продолжен викенд…